Eguzkilore; jazz mitologikoa – Kultur 2024
Udako 14 astetan zehar (ekainaren 21etik irailaren 28ra), Nafarroako hainbat leku bisitatzea proposatzen dizu KULTUR programak, kontzertuetan parte hartzeko eta bertako herriak eta ondare artistiko eta kulturala ezagutzeko aukera emango baitizu. Hemen duzu jardunaldien agenda kontsulta egiteko: https://www.culturanavarra.es/eu/kultur-2024
Zugarramurdin ondoko proposamen hau luzatzen dizugu:
|
Noiz? |
Uztailaren 27a, larunbata – 12.00etan |
|
Ze talde? |
Bazzkun Proiektuak |
|
Non? |
Zugarramurdiko Lezean (kontzertua sarrera ticketaren barne dago) |
Mari, Amalur, Ilargi, Ekhi, Ortzi, Gaueko eta Eguzkilore… jazz doinuak ematen dituzte.
Eguzkilore eguzki forma duen lorea da.
Gizakiek etxeko ateetan jartzen omen zituzten gaueko izakiengandik babesteko. Diotenez, lorea ikustean, izaki horiek ezin zuten saihestu beren hostoak zenbatzen hastea, eta, hainbeste zituztenez, gaua hari orriak kentzen igarotzen omen zuten, eguna konturatu gabe iritsi arte. Horrela, ihes egin behar izaten omen zuten azkar ezkutalekuetara, gaizkia egin gabe.
Bazzkun Proiektuak Xabi Olcoz, Bernardo San Martin, Jorge Sanchez eta Jon Zufiaurre musikari nafarrak dira. Guztiak Nafarroako musika-erakundeetan trebatuak, eta batez ere jazzarekin zerikusia duten musika-proiektuetan parte hartzen dutenak.
Xabi Olcoz (bateria eta perkusioak) bateria-jazzean aditua da. Irakasle-lanetan aritzen da hainbat musika-eskolatan, eta interpretazio-lana ere egiten du. Serafin Zubirirekin batera aritu da kontzertuetan.
Jon Zufiaurre (saxo tenorra) saxofoi jazzean aditua da. Jazz talde ezberdinetan kolaboratzen du, eta Jazzaldian ere parte hartzen du Musikeneko bandarekin batera hainbat ediziotan.
Bernardo San Martinek, egun, Pablo Sarasate Kontserbatorio Profesionalean akonpainamendu, harmonia eta analisi klaseak ematen ditu. Nafarroako generoko musikari onenetako jazz-taldeekin kolaboratzen du, eta La Pamplonesako kolaboratzaile ohikoa da.
Jorge Sanchezen (kontrabaxua) musika-prestakuntza zabalak jazza, flamenkoa eta musika modernoa ditu ardatz. Talde artistiko ezberdinekin kolaboratzen du, eta sustraiko musikekiko kezka nabaria da horiengan.
Finantzaketa Nafar Gobernutik dator
