Ondarearen arloko profesionalak Zangozan bildu dira, lankidetza-ildo berriak sustatzeko
Urriaren 19an, ondarearen arloko 15 bat profesional elkartu ziren Zangozan, X. Ondarezain Topaketan, ezagutzak eta esperientziak partekatzeko, interpretazio-baliabideei buruz elkarrekin hausnartzeko eta etorkizuneko lankidetza-aukerak aztertzeko.
Goizeko egitarauak Nafarroako Unibertsitate Publikoak (NUP) aurkeztutako museo eta ondare-espazioetako interpretazio-baliabideak diseinatzeko eta hobetzeko tresna operatiboa izan zuen ardatz. Tresna aurkeztu ondoren, parte-hartzaileek kasu zehatzetan aplikatzeko tailer batean eta tresnaren ebaluazioan oinarritutako eztabaida-taldeetan jardun zuten.
Ondoren, lan-mahai batek museo eta ondare-espazioen eta unibertsitatearen arteko lankidetzarako aukerak aztertzeko balio izan zuen. Jardunaldiari amaiera emateko, parte-hartzaileek Zangozako Casa Jenaro Museoa bisitatu zuten.
Giro parte-hartzailean garatutako topaketak agerian utzi zuen sarean lan egitearen eta ezagutza modu partekatuan eraikitzearen garrantzia.
