Mundu zaharreko dantzak eta Argentinako folklorea OKI eta CheChelos musikarien eskutik
Zugarramurdiko Lezeak bidaia musikal bat eskaintzen dizu, OKI – ORKESTRA KONTSERBATORIO IRUN taldeko gazteek interpretatutako mundu zaharreko dantzekin hasiko dena, jarraian CheChelos bikotearen eskutik soinu berri eta folklore argentinarraz disfrutatzeko:
– Non?: Zugarramurdiko Lezea (kontzertua sarrera ticketaren barne dago)
– Noiz?: Urriak 28, larunbata – 12.30etan
– Iraupena?: 50 minutu inguru
– Nor?: OKI – ORKESTRA KONTSERBATORIO IRUN eta CheChelos
OKI – ORKESTRA KONTSERBATORIO IRUN
Kontserbatorioko Orkestra Sinfonikoa (2021az geroztik, O.K.I Orkestra Kontserbatorio Irun) 90eko hamarkadaren hasieran sortu zen, gradu profesionaleko ikasleei beren prestakuntza musikal orokorrerako funtsezkoa den praktika bat eskaintzeko helburuarekin. Formatuak Ganbera Orkestra, Mozart motako formazioa eta Orkestra Sinfonikoa izan daitezke.
Gaur egun Euskadiko Orkestra Sinfonikoan, Bilbon, Radio Televisión Españolan, Extremaduran, Malagan eta beste hainbat orkestra profesionaletan aritzen diren musikariak pasatu dira bertatik. Era berean, musika pedagogiaren aldeko hautua egin zuten beste musikari batzuk Euskal Herriko Kontserbatorio eta Musika Eskola ospetsuetako eta Iberiar penintsulako beste leku batzuetako irakasleak izan ziren, baita Mexikon, Brasilen, Bolivian eta Australian ere, besteak beste. Bere ibilbidean zehar, OKIk sarritan jardun du Irunen eta bere eskualdean. Baina elkartrukeak ere egin ditu Euskal Autonomia Erkidegoko, Nafarroako, Kantabriako, Lleidako, Valentziako Erkidegoko eta Madrilgo beste kontserbatorio batzuekin.
Nazioartean, Orkestrak arrakastaz parte hartu du nazioarteko trukeetan, hala nola Alemaniako Gladbeckeko Musika Eskolarekin eta Suitzako Basileako Bottmingen-Binningen Musika Kontserbatorioarekin.
Bere ibilbidean Raffaela Acella biolin irakasleak zuzendu du orkestra, eta 2021az geroztik OKI Iñaki Etxepare biolontxelo irakasleak zuzentzen du.
CHECHELOS
CheChelos-en soinu berriek eta moldaketa dotoreek dantzara, topa egitera eta zapia hegan jartzera gonbidatzen gaituzte. Bi txelo, ahots eta gitarra dituen power duo batean, antzerki, peña eta jaialdietara folklorean soinu berri bat eramaten dute: "biolontxelo kreolearena".
Ramiro Zarate Gigli eta Mauro Sarachian txelistak kontserbatorio eta antzokitik atera ziren Argentinako tradizio folklorikoarekin bat egiteko eta beren musika herrikoiaren konpasean dantzarazteko. Horrela, orkestra eta musika klasikoan entzuten dugun biolontxelo bera, orain Argentinako kulturaren parte da.
2015ean jaio zen bikotea, eta Kordobatik egindako bira batekin inauguratu zen. Astebete geroago argentinar La Rioja-ko Pre Chaya lehiaketa irabazi zuten. Cosquín 2017 jaialdian Errebelazio saria eman zieten. Ordutik Argentinan zehar jotzeaz gain, Espainian, Frantzian, Alemanian, Belgikan, Ingalaterran, Uruguain, Kolonbian eta Paraguain ere ibili dira.
PROGRAMA
